RSS

Category Archives: என் கடிதங்கள்

குற்ற உணர்சி

Image result for guilty feeling images 

அன்பே! உன் மௌனம் என்னை சித்ரவதை செய்தது உண்மை. அன்பு சுமையாகிவிடக் கூடாது என்பது உண்மைதான் என்றாலும் அறுத்துக்கொள்ளவும் ஒரு காரணம் வேண்டுமல்லவா? மனிதனை உதாசீனப் படுத்துவதுதான் பஞ்சமா பாதகங்களை விடக் கொடுமையானது.

பதில் எழுத மறுப்பதற்கு என்ன காரணம் என்பது தெரியாமல் நான் பட்ட வேதனை… நேர் செய்து விட்டாய். யாராலும் பேசமுடியாயதை நாம் பேசி பகிர்ந்து விட்டுச் சட்டென்று விலகிப் போவது பாரம்.

உறவுகளை விட ஸ்நேகங்கள் உண்ணதமானவை. எந்த சுமையுமில்லாத நட்பு ஆரோக்கியமானவை. உன் கோபம் என்னவென்று தெரியாமல் காத்துக் கிடந்த சோர்வு என்னை அசிங்கப் படுத்தியது.

அறிவும் மென்மையும் கொண்ட ஒரு ஸ்நேகிதியை இழந்து விட்டேனோ என்று நொந்து போயிருந்தேன். பிராத்தனைக்குப் பலன் கிடைத்த மாதிரி என் வேதனைக் கடி்தத்திற்கு பயன் கிடைத்து மனமிரங்கியிருக்கிறாய். என் மனதில் அனாவசியமான ரணங்கள் ஏற்படுவதைத் தடுத்திருக்கிறாய்.

பூத்ததை எல்லாம் சூடிக்கொள்ள முடிகிறதா என்ன? அது போல வாழ்கையில் எதிர்பட்டவர்களை எல்லாம் நட்பு பாராட்ட முடிகிறதா? யாரையும் எதற்காகவும் குற்றம் சொல்ல முடியாது.  நாம் எல்லோரும் உணர்ச்சிக்கு அடிமைப்பட்டவர்கள். காலம் நம் தலைக்கு மேலே இருந்து சாட்டையைச் சொடுக்குகிறது. நாம் அதன் ஆணைக்கேற்ப ஆடிக் கொண்டிருக்கிறோம். நம்க்கு நேர்வதெல்லாம் நாமாகத் தீர்மாணிப்பதில்லை. எல்லமே நம்மீது திணிக்கப் படுகிறது. இதில் யாரைக் குற்றம் சொல்வது? கு்ற்றவாளிகள் குற்றவாளிகளுக்கே தீர்ப்பு எழுதக் கூடாதல்லவா?.

உலகம் இதுவரை செய்யாத எந்த தப்பையும் நீ செய்துவிடவில்லை. நம் முன்னோர்கள் செய்யாத தப்பையா நாம் செய்துவிட முடியும். வளர்ந்த பெண்ணின் அப்பாவாக இருந்து கொண்டே மனைவி இருக்கும்போதும் இன்னொருத்தர் மீது இப்படி ஒரு ஆசையைப் படறவிடுகிறோமே என்ற குற்ற உணர்ச்சி என்னைக் கொல்கிறது.

இதில் என்னுடைய அபிப்ராயம் என்னவென்றால் இது இரண்டுமே தேவையில்லாதது. முதலில் நீ ஒரு மனுஷி. ரத்தத்தாலும், சதையாலும், நரம்பாலும் உருவானவள். உனக்கென்று ஒரு ஆத்மா, உனக்கென்று ஒரு ருசி, உன்க்கென்று ஒரு வாழ்க்கை தேவை. எல்லா மனித உயிர்களுக்குமே இதுதான் நியதி. புழுங்கிக் கிடக்கும் நெஞ்சுக்குள் ஒரு புதுத்தென்றல் வேண்டுமில்லையா?

யாரும் அக்னிப் பிரவேசம் செய்யச்சொல்ல முடியாது. சட்டம் சம்பிரதாயம் ஒன்றும் பண்ண முடியாது. பக்கத்து வீட்டுக் காரிக்கெல்லாமா பயப்படுவது?. எந்த குற்ற உணர்ச்சியும் உனக்கு வேண்டாம். எது உனக்கு சந்தோஷத்தையும் சுதந்தரத்தையும் கொடுக்குமோ அதைச்செய். பெண்கள் மனந்திறந்து சொல்லாததனாலேயே  இந்த உணர்வே இல்லைன்னு சொல்ல முடியாதில்லையா? இந்தச் சமூகம் சொல்ல விடாம அடக்கி வச்சிருக்கு.

 

என் அந்தரங்கத்தின் கதை

கடிதங்களுக்காகவே ஆரம்பிக்கப்பட்டது இந்த தளம். கடிதம் வெளியிடுவதை நிறுத்தி புத்தக வடிவில் கொண்டுவர தீர்மாணித்து,பல்வேறு யோசனைகளுக்குப் பிறகு புத்தகத்தின் தலைப்பும், மேலட்டையும் தேர்வு செய்திருக்கிறேன். ஆர்வமுள்ளவர்கள் நிறைகுறைகளைத் தெரிவிக்கலாம்.

VG 1

 
2 பின்னூட்டங்கள்

Posted by மேல் ஒக்ரோபர் 4, 2015 in என் கடிதங்கள்

 

கடிதங்களின் தொகுப்பு தயார்!

எனது கடிதங்களின் தொகுப்பு தயாராகிவிட்டது. இங்கே பதிவிடப்படாத பாதிக்கும் மேலான கடிதங்களையும் சேர்த்து சுமார் 180 பக்கங்களில் புத்தகமாக வெளியிட ஏற்பாடுகள் செய்து வருகிறேன். மிக ஆபாசம் என்று நான் கருதியவைகளை வலைத்தளத்தில் பதிவிடும்போது நீக்கிவிட்டேன். ஆனால் புத்தகத்தில் அப்படியே கொடுத்திருக்கிறேன். இது அந்த நேரத்திய எண்ணங்களின் தொகுப்பு மட்டுமே. விருப்பப்பட்டவர்கள் படிக்கலாம். மற்றவர்கள் கடந்து போகலாம். அல்லது இந்தப்பக்கமே வராமலிருக்கலாம். வந்து பார்த்து, பின் புத்தகத்தையும் வாங்கிவிட்டு வசை பாடவேண்டாம். புத்தகத்தை வெளியிடலாமா வேண்டாமா என்பது பற்றிய தங்களின் மேலான ஆலோசனைகளை தெரிவிக்கவும்.

 

முதல் வரி நீ!

 

tumblr_ljx7o9q6Ub1qahzf8o1_400

பட்டிணத்தாரை

படிக்கப்போனேன் !

வழிமறித்து

கலிங்கத்துப் பரணியில்

கடைத் திறப்பைக்

காட்டியவள் நீ!

வேதாந்தியாக

விவரம்

கேட்கப் போனேன்!

வேட்டியை இழுத்து

விறலிவிடு தூதுக்கு

விளக்கம் சொன்னவள் நீ!

தேவாரம் கேட்க

திண்ணைப் பக்கம்

போனேன்!

முந்தானையால்

முகத்தை மூடி

மூன்றாவது பாலை

நுங்கும் நுரையுமாய்

அள்ளிக்கொடுத்தவள் நீ!

இன்னும் நான்

எழுதாத புரட்சிக்

கவிதையே!

என் இதய இலக்கியத்தில்

முதல் வரியும் நீ

முதல் எழுத்தும் நீ!

 
1 பின்னூட்டம்

Posted by மேல் ஏப்ரல் 12, 2014 in என் கடிதங்கள்

 

குறிச்சொற்கள்: , ,

குடும்ப அமைப்பு தேவையா?

 எழுத்தாளர்_பொன்னீலன்

சாகித்ய அகாதமி பரிசு பெற்ற நாவலாசிரியர் பொன்னீலனிடம் சில கேள்விகள்.

திருமணம் செய்து கொள்ளாமல் ஆணும் பெண்ணும் சேர்ந்து வாழ்வது குறித்து நீங்கள் என்ன நினைக்கிறீர்கள்?

எந்த உறவாக இருந்தாலும் அந்த உறவு வளர்ச்சி அடைந்து குடும்ப உறவாக மாறவேண்டும். அல்லாவிட்டால் இதற்கு ஒரு சமூக அர்த்தமில்லாமல் போய்விடும்.

இன்றைய சினிமாக்களிலும், நாவல்களிலிலும் இப்போது பெண்களை எப்படிக் காண்பிப்பதாக நினைக்கிறீர்கள்?

 சிறிது காலத்திற்கு முன்பு ‘விதி’ என்ற படத்தில் ஏமாற்றப்பட்ட ஒரு பெண்ணின் வாழ்க்கைக் காட்டினார்கள்.

சமீபத்தில் ‘மறுபடியும்’ என்ற படத்தில் தன்னை ஏமாற்றிய கணவனுக்கு மனைவி தந்த தண்டனையையும் காட்டினார்கள். இரண்டிலுமே கதாநாயகிகள் வாழாவெட்டியாகவே சித்தரிக்கப்பட்டிருக்கின்றனர். இது உண்மையில் போலித்தனமானது.

இந்தப் படங்களின் இயக்குனர்கள் ‘ஒருவனுக்கு ஒருத்தி’ என்ற பழமைவாதக் கொள்கைகளால் முடிவுகளை மொட்டையாக விட்டுவிட்டனர். அவர்கள் ஏன் இன்னொரு ஆண் மகனை மணந்திருக்கக் கூடாது?

என்னுடைய புதிய தரிசனங்கள் என்ற நாவலில் பூரணி என்ற பாத்திரம் பாலியல் வன்முறையில் பல கைகள் மாறிய பெண். ஆனாலும் இறுதிவரையில் அவள் தனக்கென ஒரு ஆண் துணை வேண்டுமென்று நினைப்பதாகவே சித்தரித்திருக்கிறேன்.

எழுத்தாளர்கள் பெண்களை வாழாவெட்டியாக சித்தரிக்காமல் அவர்களின் பாலியல் தேவைகளையும் எண்ணிப்பார்க்க வேண்டும்.

subra

சமீப காலமாக ஆண்களிடமும் பெண்களிடமும் ஓரினச் சேர்க்கை முறை அதிகரித்து வருவதாக கூறப்படுவது பற்றி…

ஓரினச் சேர்க்கை முறை என்பது மிக நீண்ட காலமாக சமூகத்தில் இருக்கிறது. சிலர் மட்டுமே சில நெருக்கடிகளில் இதைத் தொடர்கின்றனர். இதைத் தவறான விஷயம் என்று சொல்ல முடியாது. இது அனுதாபமாக நோக்க வேண்டிய தீர்வே ஒழிய, ஒரு கம்பீரமான தீர்வு இல்லை.

இன்றைய சூழ்நிலையில் குடும்ப அமைப்பு தேவையா?

குடும்ப அமைப்பு என்பது மனித நாகரிகம் மிக நீண்ட காலமாக கண்டுபிடித்த அற்புதமான ஒரு வடிவம். அது கண்டிப்பாகத் தேவை. ஆனால் அது இறுகி, ஆதிக்க வடிவமாக மாறிவிடக் கூடாது. அப்படி மாறும் பட்சத்தில் அது உடைத்தெறியப்படவேண்டியது. குடும்பமும் ஜனநாயகப்படுத்தப்பட்டே ஆக வேண்டும்.

இந்தியா போன்ற ஒரு நாட்டுக்கு இன்றைய நிலையில் சுதந்திரமான பாலியல் தேவையா?

கண்டிப்பாக தேவையில்லை. ஏனென்றால் செக்ஸ் என்பது இயற்கை மனிதனுக்குக் கொடுத்த ஒரு செல்வம். இதை வீண்டிக்கக் கூடாது. இதையும் ஒரு ஒழுங்குக்கு உட்படுத்தியே பயன்படுத்த வேண்டும்.

 

குறிச்சொற்கள்: , , ,

’வயாகரா தாத்தா சொன்ன விபரீதக் கதைகள்

படம்

சின்னகண்ணுக்கும் அவன் மனைவி பொன்னு கண்ணுக்கும் ஒரு பார்ட்டிக்கு அழைப்பிதழ் வந்தது. வித்தியாசமான மாறு வேடத்தில்தான் அந்தப் பார்ட்டியில் கலந்து கொள்ள வேண்டும் என்று கண்டிஷன் போட்டிருந்தார்கள். பார்ட்டிக்கு கிளம்பும் தினத்தன்று பொன்னுகண்ணுக்கு தலைவலி மண்டையைப் பிளக்க… ‘நான்வரலை நீங்க போய் என்ஜாய் பண்ணுங்கஎன்றுஅனுப்பிவைத்தாள். சின்னக்கண்ணு குடுகுடுப்பைக்காரன் வேஷத்துக்கான மாறுவேஷ டிரெஸ்ஸை எடுத்துக்கொண்டு புறப்பட்டான்.

அவன் போன கொஞ்ச நேரத்தில் பொன்னுகண்ணுவுக்கு தலைவலி போய்விடஇவளும் தான் வாங்கிவைத்த மாறுவேஷடிரெஸ்ஸை மாட்டிக்கொண்டு கிளம்பினாள். அங்கே போனபோது குடுகுடுப்பை டிரஸ்ஸோடு தன் புருஷன் பலபெண்களோடு ஜாலியாக ஆடிப்பாடுவதும், சான்ஸ் கிடைத்தால் முத்தா கொடுப்பதுவுமாக இருப்பதைப் பார்த்தாள். அவன் எந்த ரேஞ்சுக்குப் போகக்கூடியவன் என்று ஆழம் பார்க்க இவளும் அருகே போனாள்.

மாறு வேஷத்தில் இருப்பது யாரென்றே தெரியாமல் அவனும் இறுக்கி அணைத்தான். புருஷன்தானே என்ற தைரியத்தில் இவளும் சும்மா இருக்கஅவன் இவள் காதில் குனிந்து ஏதோ கிசுகிசுக்கஇவளும், ‘எந்த அளவுக்கு நம்ம புருஷன் மோசமானவன்என்று தெரிந்து கொள்ள முடிவெடுத்துஅவனோடு சேர்ந்து பார்ட்டி பங்களா விற்கு வெளியே இருட்டு புல்தரைக்குப் போனாள்.

எல்லாமே ஆகிப்போச்சு அங்கே! அப்பவும் தன் மாறுவேடத்தைக் கலைக்காமல், யாரென்றும் சொல்லாமல் குடுகுடுவென வீட்டுக்குத் திரும்பிவந்து பொன்னுக்கண்ணு, புருஷன் வந்ததும் அவன் சபலபுத்திக்கு சூடுகொடுக்க கோபமாகக் காத்திருந்தாள்.

சின்னக்கண்ணு வந்ததும் ‘’ எப்படிக் கழிஞ்சுது இந்த ராத்திரி?’’ என்றாள் ஆத்திரத்தைக் காட்டாமல். அவன் சொன்னான், ‘’ சீட்டாட்டம், ரெண்டு பெக்விஸ்கி, வயிறு முட்ட சாப்பாடு என்று ஜாலியாகத்தான் போச்சி. ஆனால் எல்லாம் எங்க ஆபிஸ் கிளப்பில்! நீ இல்லாம மாறுவேஷ பார்ட்டிக்குப் போனா போரடிக்கும்னு குடுகுடுப்பை டிரஸ்ஸை என்ஃபிரண்டுக்கு கொடுத்திட்டேன்!’’

தன்னோட தோழி ராஜியம்மா கிட்டே ஜாலியம்மா ஒருநாள் கவலையா சொன்னாளாம்… ‘’என்னடி வாழ்க்கை இது? சொந்த வீட்டுக்குள்ள இருந்துகிட்டே அவரோட அரைமணி நேரம் கூட நிம்மதியா கழிக்கமுடியலை!’’

‘’ஏன் குழந்தை தொல்லை பண்ணுதா?’’னு கேட்டா ராஜியம்மா.

‘’இல்லையேகுழந்தை பள்ளிக்கூடத்துக்குப் போன பிறகும்கூடஎங்க ரெண்டு பேராலயுமே சந்தோஷமா இருக்க முடியலை’’ன்னா ஜாலியம்மா.

ராஜிக்கு ஒரே குழப்பமா போச்சு. ‘இருந்தாலும் எனக்குத் தெரிஞ்ச சைக்காலஜியைச் சொல்றேன்.. அந்த மாதிரி சமயத்துல உன் கணவரோட முகத்த நேருக்கு நேர் பார்த்ததுண்டா?’’ என்றாள்.

ஜாலியும் அசராம, ‘ஒரே ஒரு தடவைதான் பார்த்தேன்அதுவும் வீட்டு ஜன்னலுக்கு வெளியே நின்னு எங்களையே வெறிச்சி பார்த்துக் கிட்டிருந்தாரு. அப்போ அவர் மூஞ்சி எவ்ளோ ஆக்ரோஷமா இருத்துச்சு தெரியுமா? அப்புறம் எப்படி நாங்க சந்தோஷமா…?

இந்தக் கதைகள் எதிலே வந்தது தெரியுமா? ‘’வயாகரா தாத்தா சொன்ன விபரீதக் கதைகள்!’’ அப்படிங்கிற தலைப்பில் ஆனந்தவிகடனில்! வருஷம் வேணுமா 04.02.2009 இதழில்.

 
1 பின்னூட்டம்

Posted by மேல் மார்ச் 14, 2014 in என் கடிதங்கள்

 

குறிச்சொற்கள்: ,

உலகில் முதலில் தோன்றியது ஆணா? பெண்ணா?

vg
பெண்ணுக்குத்தான் வயிற்றிலிருந்து குழந்தை பிறக்கும் என்பதை நீங்கள் ஒப்புக்கொண்டால் முதன்முதலில் தோன்றிய ‘செல்’கூட பெண்தான்! ஒரு செல் இரண்டாகப் பிரிந்தது ஒரு விதத்தில் பிரசவம்தான். க்ளோன்ஸ்! குரங்கு இனத்திலிருந்து பிரிந்து முதலில் உருவான மனிதனும் பெண்தான் என்று விஞ்ஞானிகள் கண்டுபிடித்துச் சொல்லியாகிவிட்டது.

பெண்களின் மார்பகங்களும், தொப்புளும் தாய்மை சார்ந்த உறுப்புகள். அவற்றை கவர்ச்சிக்க்காகவும் விளம்பரங்களுக்காகவும் பயன்படுத்துவது தவறுதானே?
பெண்களின் மார்பகங்கள் ‘கவர்ந்திழுக்கும் சக்தி’யைப் பெற்றது எப்படி என்கிற விஷயத்தில் ஆராய்ச்சியாளர்களிடையே கருத்து வேறுபாடுகள் இருக்கின்றன. எல்லா பாலூட்டிகளுக்கும் முலைக்காம்புகள் (நிப்பிள்ஸ்) உண்டு. ஆனால் வளர்ச்சி பெற்ற மார்பகங்கள் மனித இனத்தில் மட்டுமே அமைந்திருக்கின்றன. (பால் சுரக்கும் அளவுக்கும் மார்பக சைசுக்கும் சம்பந்தமே கிடையாது!)
ஆரம்பத்தில், மனிதன் மற்ற பாலூட்டிகளைப் போல பின்னால் நின்று உடலுறவு கொண்டபோது, பெண்ணின் ‘பின்புறம்’ அவனுடைய உணர்வுகளை மேலும் கிளர்ச்சியடையச் செய்தது. பிற்காலத்தில் முகம் பார்த்துப் புணரும் பழக்கம் வந்த பிறகு ஆண் அதை ‘மிஸ்’ பண்ணினான்.
அவனுடைய அந்தக் குறையை ‘விஷூவலாக’ நிவர்த்தி செய்தது (replacement) மார்பகங்களே! ஆகவே, மனித இனத்தில் மட்டும் ‘தாய்மையோடு ‘கவர்ச்சி’யையும் பெண்ணின் மார்பகங்கள் பெற்றுவிட்டன.
முப்பது ஆண்டுகளுக்கு முன், அமெரிக்கப் பெண்கள் (feminists) ‘பிரா’க்களை நடுவீதியில் கொட்டி எரித்துப் போராட்டம் நடத்தினார்கள் (freedom). அது பழங்கதை. இப்போது ‘பிரா’ விஸ்வரூபமெடுத்துவிட்ட(!) கோடானுகோடி ரூபாய் பிஸினஸ்! ஒவ்வொரு சூழ்நிலைக்கும், மூடுக்கும்கூட பிராக்கள் இப்போது தயாரிக்கப்படுகின்றன.
சான்ஸே இல்லை… மனித இனம் இருக்கும் வர மார்பக ‘அப்ஸெஷன்’ இருக்கத்தான் செய்யும்.
உலகில் உயிர் என்பது தோன்றி, பிறகு நூறு கோடி ஆண்டுகளுக்கு ஆண் என்பதே கிடையாது! ஒரு (பெண்) செல் இரண்டாகப் பிரியும். அது நாலாகும். நாற்பதாகும். ஆணே இல்லாமல் குழந்தை பெறுவது மாதிரிதான்!
அப்படியே தொடர்ந்திருந்தால், ‘க்ளோன்கள்’தான் தோன்றியிருக்கும். உலகம் முழுவதும் ஒரே மாதிரி தோற்றமளிக்கும் பெண்கள். அத்தனை பேரும் ஐஸ்வர்யா ராய்கள்! அதே சமயம், உலகில் ஆணே கிடையாது. எப்படி இருக்கும்?
பல கோடி வருடங்களுக்குப் முன், திடீரென ‘செல்’லுக்குள் நிகழ்ந்த ஒரு ‘ம்யூட்டேஷன்’ (கிறுக்குத்தனமான மாறுதல்) காரணமாகத் தோன்றியதுதான் Y குரோமோசோம். அதாவது ஆணுக்கான குரோமோசோம்!
X குரோமோசோமும் Y குரோமோசோமும் இணைந்தால் ஆணும் இரண்டு X கோரோமோசோம் இணைந்தால் பெண்ணும் உண்டாகும். ஆக செக்ஸ் அந்த விநாடியே தீர்மாணிக்கப்பட்டு விடுகிறது.
செக்ஸ் என்பது ஆரம்பித்தது அப்போதுதான்! கோடிக்கணக்கில் விதவிதமான அழகிகள் தோன்றக் காரணம் அந்த Y தான்! ஏழு வாரங்கள் வரை கரு ஆணுமில்லை, பெண்ணுமில்லை. ஆனால் உள்ளே மாற்றங்கள் நிகழ்கின்றன. Y குரோமோசோம் ஆணைப்படி ஆணுக்கான டெஸ்டோஸ்டரோன் உற்பத்தி அதிகரிக்கிறது. இன்னொரு ஹார்மோன் பெண்ணுக்கான அறிகுறிகளை நிறுத்துகிறது (suppresses).
முலைக்காம்பு (Nipple) வளராமல் அப்படியே நின்றுவிட, க்ளைடோரிஸ் வளர்ந்து ஆணுறுப்பாகிறது (Penis). உள்ளே நிகழும் இந்த வளர்ச்சிகள் தெரிய, ஏழு வாரங்கள் ஆகிவிடும். அந்த Y குரோமோசோம் எப்படி முதன்முதலில் உருவானது. அதுதான் விஞ்ஞானிகளுக்குப் புரியாத அற்புதமான ஆச்சர்யம்!

 
1 பின்னூட்டம்

Posted by மேல் நவம்பர் 23, 2013 in என் கடிதங்கள்

 

குறிச்சொற்கள்: , , , ,